Hazret-i Abdülaziz Han-ı keramet intima
Verd din-ü Devlete revnak o şah-ı mücteba
Ol şehe tav’an olur münkaad cemii müslimin
Bittabi metbü olur böyle imam-ı mukteda
Maksad-ı alisi mülk-ü milletin imarıdır
Çok muammer evliye zat-ı hümayunun Huda
Mekteb-i Rüşdiyyeler yaptırdı her bir beldeye
Oldular etfal-ı nadan nail-i rüşd-ü zeka
Hamd-ü lillah ruşen oldu Aynıtabın aynı da
Mekteb-i Rüşdiyye'nin olup türabı tutiya
Hoca-ı evvel Cenab-ı Mustafa Efendi kim
Ol huceste vakıa talim-i sıbyane seza
Her funün-ü arifetten feyzalırlar pek güzel
Hüsn-ü hulkuna hemen etfal kılsın iktida.
Hoca-i sani'de Abdullah Efendi ol dahi
Etmede talimde hasbi Kemal-I itina
Sarf-I himmet kıldılar bu mektebin imarına
Rıfk ile teşvik edip kaaimmakaamı dama
Hacı İsmail Efendi kim odur Kaaimmakam
Layıkınca avn kıldı hak bu kim suph-u mesa
Gülşen asa oldu bu cay-ı neşat efza bu kim
Anda bülbüller gibi etfal etmekte neva
Hüsn-ü nazm ile bu mektep oldu güya bir kitap
Suret-i fehrettir revzenler anda cabea
Bu makaam-I dilkeşi bu saay-ü ilmi seyreden
Bizzarure padişah-I aleme eyler dua
Mekteb-i Rüşdiyye'nin imarı bulunca hıtaam
Tarz-ı matbu üzre oldukta makaam-ı dilküşa
Dürr-ü meknun gibi nazmettim ana tarihi tam
Aynıtap'ta mekteb-i Rüşdiyye bu yıl nev bina.
1288